‘n Ouer Onderwysersvereniging dien die skool op ‘n vrywillige basis en organiseer fondsinsamelingsaktiwiteite deur die jaar. Ons verwelkom alle ouers en voogde om betrokke te word. Die sukses van Hoërskool Hermanus is grootliks afhanklik van die ondersteuning en sorg wat deur die gemeenskap verskaf word.

Ouerdeelname speel ‘n deurslaggewende rol in die sukses van Hoërskool Hermanus. Nie net stel dit ons Ouer Onderwysersvereniging (OOV) in staat om broodnodige fondse in te samel nie, maar dit bou ook voort en weerspieël ons sterk gevoel van gemeenskap. Die positiewe en lewendige gees van hierdie betrokke ouers boei ons almal – onderwysers, leerders en ouers.

Behalwe vir groot fondsinsamelingsgeleenthede, help ouers gereeld in die snoepie. Menige vriendskappe is gevorm oor die skyfiebraaier of braairooster. Ons doen ‘n beroep op ouers om by hierdie lonende skoolgemeenskap aan te sluit en sodoende by te dra tot die sukses van hul kinders en die skool.

Baie van die geleenthede op ons kalender het jaarlikse tradisies geword en is altyd groot pret. Hulle betrek nie net die kinders en hul gesinne nie, maar ook die breër Hermanus-gemeenskap.