Die vermoë om welsprekend en met gesag oor ‘n reeks onderwerpe te kan praat, is van onskatbare waarde. Om dit boonop voor ‘n intimiderende gehoor te doen, is deel van die uitdagende aard van openbare redevoering. Leerders wat gereeld aan redenaarskompetisies deelneem, kry die geleentheid om hierdie belangrike vaardighede te ontwikkel en te slyp.

Elke jaar skop af met ‘n interne redenaarsaand waartydens sprekers die geleentheid kry om voor ouers, onderwysers en maats te praat.

Die skool se beste redenaars neem aan die eerste rondte van die ATKV se redenaarskompetisie deel. Ons het gereeld sprekers wat na die provinsiale rondtes deurdring.

Aan die begin van die tweede kwartaal neem die senior sprekers van die skool (graad 10 tot 12) aan die jaarlikse redenaarskompetisie deel. Hierdie kompetisie vind in die skoolsaal voor die senior leerders van die skool plaas. In die vierde kwartaal kry die junior sprekers dieselfde geleentheid.

Ons redenaars neem jaarliks in Mei aan twee kompetisies deel: Radikale Redenaars en Oppie Tong Af. In Augustus kry ons sprekers die geleentheid om aan die jaarlikse Eisteddfod deel te neem.