Admin
Welkom by ons toelatingsblad
By die Hoërskool Hermanus is ons daartoe verbind om ‘n koesterende en verrykende akademiese omgewing vir al ons leerders te skep. Ons toelatingsproses is ontwerp om te verseker dat almal van ons se waardes en etos versoenbaar is. Dit dra by tot die kweek van ‘n lewendige en inklusiewe gemeenskap.
Hieronder vind u noodsaaklike inligting oor ons toelatingsvereistes, taal, etos, verpligte fooie, ouderdomskriteria, gedragskode en ons beleid oor alkohol- en dwelmgebruik.
Regulasies
Toelatingsvereistes
Die leerder moet voldoen aan die toelatingsvereistes soos deur die Skoolhoof en die Beheerliggaam bepaal. Die besluit deur die voorsitter van die Beheerliggaam, na oorleg met die Skoolhoof, is finaal. Nuwe leerders (uitgesluit graad 8-leerders) sal slegs voorlopig aanvaar word totdat hul vorige skool geraadpleeg is.
Taal en Etos.
Leerders en ouers moet hul met die etos en Christelike karakter van die skool kan vereenselwig.
Verpligte Skoolfooie
Die leerder se ouer/voog moet die verpligte skoolfooie, soos in die skoolreëls neergelê, betaal. Skoolfooie word jaarliks deur die Beheerliggaam vasgestel.
Ouderdom
Die aansoeker moet ‘n geboortesertifikaat en/of identiteitsdokument tydens die aansoekproses indien. Die aansoeker se ouderdom mag onder normale omstandighede nie meer as twee twee jaar van die gemiddelde ouderdom van die klas verskil nie.
Gedragskode
Ouers en leerders moet die inhoud van die gedragskode-dokument ken en dit onderteken voordat toelating oorweeg kan word.
Alkohol- en dwelmbeleid
Die ondertekening van die alkohol- en dwelmbeleid is ‘n voorvereiste vir toelating tot die skool.
Prospektus
Lees deur die prospektus en vergewis u van die funksionering van die skool.
Inskrywingsprosedure
Vereistes vir inskrywing by die Hoërskool Hermanus
- ‘n Voltooide en ondertekende inskrywingsvorm
- ‘n Afskrif van die ID van beide ouers
- ‘n Afskrif geboortesertifikaat van die leerder
- Die jongste skoolverslag van die leerder
- Bewys van adres (fisiese adres)
- Voltooide vakkeusevorm (slegs gr. 10-12)
- Gedragskode (gelees en onderteken)
- Dwelmbeleid (gelees en onderteken)
- Prospektus (gelees en onderteken)
Fooie: Bepalings en Voorwaardes
Hoërskool Hermanus hef skoolgeld soos toegelaat deur die SA Skolewet.
Die vader en moeder en/of voog(de) (waar van toepassing) van elke leerder is gesamentlik en afsonderlik verantwoordelik vir skoolgeld ten opsigte van so ‘n leerder.
Betalingsreëlings
Ingevolge Artikel 39 van die Suid-Afrikaanse Skolewet No 84 is jy verplig om verpligte skoolgeld te betaal. Fooie is jaarliks vooruit betaalbaar, tensy alternatiewe reëlings getref is.
Ons verwys jou na die Bepalings en Voorwaardes-dokument vir die verskillende betaalopsies.
Die Bepalings en Voorwaardes, wat verpligtend is vir alle leerders, moet deur beide biologiese ouers en/of wettige voogde voltooi en onderteken word.’n Aparte vorm moet vir elke leerder voltooi word.
NB: Alle vrae op al 5 bladsye van die ingeslote Bepalings en Voorwaardes moet asseblief voltooi, onderteken en teruggestuur word aan Hoërskool Hermanus, saam met ‘n gewaarmerkte afskrif van jou identiteitsdokument(e). Indien ‘n vraag nie van toepassing is nie, dui asseblief aan dat die vraag nie van toepassing is nie. Maak asseblief seker dat u vorm volledig voltooi is, aangesien ons die vorm sal terugstuur totdat al die vrae tot ons bevrediging voltooi is.
Bankkoste
Die Beheerliggaam het besluit dat enige bankkoste wat teen die skool se rekening gedebiteer word as gevolg van onbetaalde debietorders, teen die wanbetaler se rekening gedebiteer sal word.
Nie-betalende Ouers/Voogde
Ingevolge Artikel 39 van die Suid-Afrikaanse Skolewet No 84, 1996, is jy verplig om verpligte skoolgeld te betaal. Skoolgeld is jaarliks vooruit betaalbaar, tensy alternatiewe reëlings getref is.
Ingevolge Artikel 40 & 41 van die Suid-Afrikaanse Skolewet kan die Skoolbeheerliggaam van ‘n openbare skool hierdie betaling afdwing deur regstappe teen jou te neem.
In die geval van wanbetaling, sal stappe teen beide ouers gedoen word, ongeag enige onderhoudsooreenkomste wat tussen die partye mag bestaan. Ingevolge die Skool se Inskrywingsbepalings en -voorwaardes sal jy aanspreeklik wees vir alle regs- en invorderingskoste.
Ingevolge Familiereg is ouers gesamentlik en afsonderlik aanspreeklik vir die betaling van leerders se skoolgeld.
Ouers, wat voel dat hulle kwalifiseer vir volledige, gedeeltelike of voorwaardelike vrystelling van die betaling van skoolgeld, moet persoonlik die nodige aansoekvorms by ons finansiële kantoor afhaal, of dit van die skool se webwerf aflaai vir voltooiing en indiening.
Aansoeke om vrystelling van betaling van skoolgeld moet deur die ouer ingedien word op ‘n dag wat die skool via D6 sal kommunikeer. Ouers moet die vorm persoonlik op die gegewe datum inhandig. Geen vorms sal aanvaar word indien dit onvolledig is nie. Die skool kommunikeer met ouers via D6. Maak asseblief seker dat jy op D6 geregistreer is.
Correspondence regarding School Fees
The correspondence will be handed to the learner, in a sealed envelope, by the respective register teacher, for delivery to the parent or guardian. Would you please ensure that your child hands these envelopes to you? We also request that you read our notes which appear on the accounts.
If your account is paid up to date you will not receive a statement unless you request one.
Bykomende opvoeders
Die Wes-Kaap Onderwysdepartement betaal net vir 28 van ons opvoeders en is nie in ‘n posisie om by hierdie getalle te voeg nie. Aangesien die skool die afgelope paar jaar geweldig in getalle toegeneem het, het die skool dit nodig gevind om ‘n verdere 22 opvoeders te vergoed om al ons leerlinge te akkommodeer.
Indien ouers/voogde nie hul verpligtinge nakom om die skoolfonds te betaal nie, sal ons nie die dienste van hierdie bykomende opvoeders kan behou nie.
Skuldberaders
Skole is vrygestel van die Nasionale Kredietwet aangesien die betaling van skoolfonds ‘n statutêre skuld is. Hierdie skuld mag nie na ‘n skuldberader of Administrateur verwys word vir administrasie nie. Betalingsopsies moet met die skool gereël word.
Bankbesonderhede
HERMANUS HIGH SCHOOL, ABSA BANK, HERMANUS, BANK CODE 632005, ACCOUNT NO 407 188 1047
Algemeen
Die Beheerliggaam sal die samewerking van ouers/voogde vir die tydige betaling van skoolgeld waardeer.
Dankie vir u volgehoue ondersteuning.
Help om fondse vir ons skool in te samel
Dit sal jou as ondersteuner nie ‘n sent kos om ‘n verskil te maak nie.
Help om fondse vir ons skool in te samel sonder dat dit jou ‘n sent kos met die MySchool MyVillage MyPlanet Fondsinsameling-program.MySchool dra elke maand meer as R4 miljoen by tot hul begunstigdes!